Annus
2 0 1 5


Aeronavis consulto a gubernatore in terram missa

Aeronavis consulto a gubernatore in terram missa

Ut dicunt investigatores Francogallici, ex datis acceptis ex altera capsula nigra aeronavis Airbus A320, quae ante decem abhinc dies collisa est in Alpibus Gallorum prope oppidum Seyne-les-Alpes, patet alterum huius navis gubernatorem consulto aeroplanum in terram immisit, tempore cum collega sui praefectus aeronavis planigeum (=aulam gubernatoriam) reliquit ut latrinam adiret.

In calamitate 150 homines vitam amiserunt, inter quos ipsi nautae, pueallae diaetariae necnon multi adolescentes Germani.

Aeronavis in Germania constructa, quae supra montes altitudine 11 chiliometrorum Barcinone Dusseldorpiam transvolabat, inopinate praecipitare coepit et mox in rupes montium illisit.

Ex datis capsulae nigrae patere gubernatorem-suicidam Andream Lubitz (27 annorum, in photographemate supra) ter vel quater conatum esse cursum aeronavis mutare, ut in terram decideret necnon celeritatem volandi acceleravit. Ante hoc faceret, ianuam planigei clausit ita, ne collega eius facile reverti posset.

Alia societas aeria Germanorum, Lufthansa, ubi ante sex annos Lubitz artem aeronavigandi discebat, nuntiavit se tunc scire eum "difficultatibus psychicis" laborare. Locutrix societatis Germanwings Vanessa Torres asseverat tamen se huius facti inscientes fuisse. Apud Germanwings Lubitz munere aeroplanigae fungebatur ab anno 2013.

Scripsit Iconoclastes



Retro ad:

Novissima editio
Summum paginae