De aeronavi quae in Alpibus decidit

A primo diluculo Mercurii die auxiliatores inquirunt vestigia aeronavis quae heri in Provincia Superiore, regione Alpium Gallicarum, desuper praecipitavit: ibi CL victimae computantur, inter quas nautae et multi adolescentes Germani. Omnino ignoratur causa facti, sed sperant invastigatores ex capsa nigra iam inventa aliquid de temporibus extremis volatus comperiri posse et hodie divulgari.

Aeronavis in Germania constructa, quae supra montes ex altitudine XI chiliometrorum ex Dusseldorpia ad Barcinonem transvolabat inopinate praecipitare coepit. Impervia sunt loca ubi requiritur, quam ob rem milites lupos circumvagantes arcere coguntur.

Scripsit Herimannus Novocomensis