De adversatoris Russici funere

Hesterno die funus factum est in Russia regimis Vladimiri Putin primo adversario Boris Nemtsov qui ante nonnullos dies displosis quattuor glandibus in media urbe Mosca non longe ab Arce (Cremlino) necatus est. Autoraeda ad eum ambulantem appropinquavit e qua ictibus mortalibus vulneratus est. Cum Praeses esset Boris Eltsin eius vicarius fuit; deinde factionem liberalismi fautricem (Sojuz Pravych Sil, Unio virium partium dexterarum) instituit. Statim biocolytae sicarios insectari coeperunt; Praeses Putin scelus crudelem necem sed etiam provocationem appellavit.

Nuper adversator occisus in quodam situ interretiali scripserat se timere ne a Vladimiro Putin necaretur; in eadem pagina quod auctor belli in Ucraina fuisset eum accusavit. “Maius istum non spernam”, quibus verbis conclusit.

Multa milia civium flores et cereos afferentium in conclave accesserunt ubi cadaver expositum visitaverunt, apud quod uxor quae ab eo discesserat cum liberis aderat. Sponsa Anna Politkovskaia ambulans cum eo dum occiditur coram quaesitoribus negavit se quidquam de caede vidisse; non exsequiis interfuit, cum hesterno die ad Ucrainam profecta esset.

Scripsit Lydia Ariminensis