Annus
2 0 1 5


Ictus in diurnarios Lutetianos

Ictus in diurnarios Lutetianos

Astynomi Parisienses quaerunt tres tromocratas, homines verisimiliter de Algeria oriundos, qui sclopetando necaverunt decem diurnarios operariosve actorum hebdomadalium satiricorum Francogallicorum "Charlie Hebdo". Tempore ictus, tromocratae occiderunt quoque duos biocolytos, qui aggressores cohibere conabantur. Multi homines insuper vulnerati sunt, quattuor graviter.

Sedem diurnariam "Charlie Hebdo" Lutetiae Parisiorum adeuntes, aggresores armati Gallice (accentu Arabico) vociferati sunt: "Allah akbar!" necnon "Prophetam ulciscamur!"

Causa "ultionis" erat verisimiliter hodierna divulgatio libri scriptioris Michel Houellebecq "Submissio", qui liber est quasi satura Galliam pingens anno 2015 sub dicione islamistarum manentem. Houellebecq a mahumetanis osor islami esse putatur, qui post ictus tromocraticos Neoeboracenses anni 2011 dixit mahumetanismum "stultissimam omnium religionum esse".

Item de islamistis mahumatanisque sentire videbantur nonnulli diurnarii "Charlie Hebdo". Ante duos annos acta haec divulgaverunt, post Danicum ephemeridem „Jyllands-Posten" gryllographiam prophetae Mahumeti. Ante tres annos homines ignoti incendere sedem "Charlie Hebdo" conati sunt.

Decima pars incolarum Galliae - i.e. circiter 6,5 miliones - musulmani sunt, de terris Maghrebicis imprimis oriundi. Duas trium partes Francogallorum putant fines terrae clausum iri novis immigrantibus.

 

Scripsit Iconoclastes



Retro ad:

Novissima editio
Summum paginae