Usura negativa Helvetorum

Argentaria Nationalis Helvetorum (ANH) decrevit rem in orbe oeconomico rarissimam: usuram depositariam ANH a die 22 Ianuarii fore -0,25% (minus viginti quinque centesimarum). Usura haec pertinet tantum ad collocationes magnas, maiores decem milionibus francorum (CHF).

Id significat, si alia argentaria pecuniam ANH commiserit, lucrum non obtinebit, sed econtra - damnum contrahet. Eo modo ANH prohibere vult, ne argentariae alienigenae porro pecuniam in francum Helvetorum (CHF) collocatam teneant, nam si moneta hawc ab omnibus petitur (notus est enim CHF ut "pecunia tuta") fit ut francus nimis valeat. Validiore franco autem oeconomia Helvetorum laborat, nam exportare merces Helveticas difficilius efficit franco caro quam vili.

ANH se intervenire decrevit postquam francus validior 1,20 euronis die Iovis breviter factus est.

Scripsit Stanislaus Tekieli