Annus
2 0 1 4


Si quis vult post me venire.

Si quis vult post me venire...

Iesum, Hierosolyma iturum ut patiatur et moriatur, Petrus increpavit: “Absit a te, Domine; non erit tibi hoc”. At Iesus Petro: “Vade post me, Satana! Scandalum es mihi, quia non sapis ea quae Dei sunt, sed ea quae hominum!” (cf Mt 16, 22-23). Nunc vero a Iesu Petrus non laudatur ut petra vel Ecclesiae fundamentum, sed vituperatur quia Dei mentem et consilia non sequitur. Praeterea omnibus, qui discipuli sui esse cupiunt, dixit Iesus oportere semetipsos abnegare atque crucem tollere eumque sequi (cf Mt 16, 24-27).

Sicut Petro, nobis etiam difficile est sacrificium pati.  Interdum hoc unum putamus nobis quaerendum esse: felicitatem a fama, pecunia, honore, gloria mundana manantem. Ex Fide autem comperitur unam esse potestatem quae valet ad peccatum et mortem vincenda: ita amare ut vitam etiam pro reliquis prompti simus dare. Si malum volumus superare, una est via: sacrificium.

Sicut Petrus, nos quoque interdum tamquam homines excogitamus et non sicut Deus. Humana desideria postulant proventus materiales atque prosperitatem ita ut reliquos superemus multosque in nostro dominio habeamus. At aliter Deus postulat.

Duae enim viae hominibus aperiuntur: vitam salvam facere, quamvis in hoc mundo deperdita sit; aut vitam perdere, quamvis in hoc mundo salva putetur.

Compendium excerptum ex Patris Iosephi I. Del Col SDB homilia hispane exarata atque die dominico XXII per annum habita

Scripsit Paulus Kangiser



Retro ad:

Novissima editio
Summum paginae