Annus
2 0 1 4


Hispaniarum Novus Rex nuntiatur

Hispaniarum Novus Rex nuntiatur

Regis Ioannis Caroli abdicatione transfertur regnum Hispanum filio suo Philippo, qui paratus est ad haec munera exercenda. At multi cives Hispani nolunt regem habere et iudicant opportunum esse de monarchia abroganda disceptare, nocnon saepe vituperant quod reges non sint nisi  praeteriti temporis larva sive phantasma. Putant quoque nationi expensum ac onerosum esse familiam regiam servare.

Attamen reges vel reginae suis nationibus sunt signa historiae patriae viventia; nationes vero quae tantum vexillum linteum habent, carent illo vexillo incarnato in regis vel reginae personam, quam rebus sive prosperis sive adversis concives circumstare possint; ex eo patet regem et reginam muneribus publicis integerrime fungi debere ut digne suis concivibus inserviant.

Ceterum, de re publica curat parlamentum, ubi factiones politicae conveniunt, nec semper a culpa absunt, propter nimias dissensiones et corruptiones quae interdum comperiuntur.

Utinam rex futurus Hispanus Philippus VI, una cum uxore sua Laetitia, possit munere recte fungi et civibus suis merito accipi.

Scripsit Paulus Kangiser



Retro ad:

Novissima editio
Summum paginae