Annus
2 0 1 4


De incursionibus aėronavium .

De incursionibus aėronavium ...

... contra Rem Publicam Islamicam

Turcarum Praeses Erdogan recenti nuntio fieri posse incursum terrestrem declaravit ad instituendam “aream securitatis” in Syria pro fugitivis a Republica Islamica, dummodo foedus inter nationes iungeretur. Cum redisset a conventu Ordinis Nationum Unitarum, dimissis Turcarum obsidibus, sententiam de Jihadistis mutavit: Turciam societatem inire posse cum aliis nationibus ac die II mensis Octobris Senatum apta consilia capturum esse.

Interea aėronaves nationum foedere iunctarum, Civitatum Americae Unitarum ductu, pyrobolis loca destinata Reipublicae Islamicae verberaverunt in media regionis Syriana urbis Homs post incursus in partem Septentrionalem. Nova petitionum series effecta est aliquot horis postquam Senatus Regni Britanniarum decrevit ut pyrobolis ISIS quateretur non tam in Syria quam in Iraquia: exceptis militibus in proeliis terrestribus, per biennium vel triennium Minister Primarius David Cameron fore bellum renuntiavit. Etiam Dania aėronaves (F16) in Iraquiam missura est.

Tamen Rector Pentagoni Chuck Hagel sic monuit: “Nemo se fallat: Respublica Islamica non profligari potest incursionibus tantum aėronavium. Vi vehementiori sed etiam legationibus et re politica utendum est”. Minae ingentes Jihadistarum in Europa quoque adsunt. Tria milia saltem pugnantium variarum nationum ad Reipublicae Islamicae milites coniuncta esse putantur.

Scripsit Lydia Ariminensis



Retro ad:

Novissima editio
Summum paginae