Uxor Iraniana ...

... viri interfectrix capite damnata est.

Quaedam puella XIV annorum viro accolae magistro nubere a parentibus coacta est, qui eam saepe percutere solebat, et iniuriis illatis. Cum mater fuisset insequenti anno, agens decimum octavum annum virum occidit. Ut ab ipsa Razieh Ebrahimi narratum est, post novam rixam vespere ortam, iniuriis statuit resistere. “Tota nocte vigilavi” inquit “ac mane eum dormientem spectabam. De omnibus plagis ac contumeliis toleratis recogitavi: singulae imagines e mente sub oculis ut e pellicula filmica profluebant: eo mane arma capio et contra eum ignitum globum displodo”. Non statim aperte rem confessa est. Primum cadaver in horto sepelivit, postea biocolytis coniugem evanuisse nuntiavit. Sed pater viri facinus patratum mox detexit et denuntiavit.

Malus eventus duplicem et gravissimam rem in lucem profert: primum uxores adhuc puellae per speciem matrimonii violatae sunt: ex lege Islamica puellae tredecim annorum nuptiis aptae sunt, etiam ante hanc aetatem, consentientibus parentibus vel iudice. Ut intolerabilia effugiant aut sibi mortem consciscere aut coniugem interficere solent. Secundo loco ex Foedere de Iure Minoris Aetatis auctore Ordine Nationum Unitarum qui scelera patraverunt minores natu duodeviginti annis non capite damnari possunt: etiam Persia hoc ratum fecit, sed non observat: pueri a quindecim annis et puellae a novem ut ii adulta aetate condemnati sunt. Iam suspendio peritura fuit mense Maio, sed carceris custodibus rivelavit se malum facinus admisisse septendecim annorum aetate. Patronus omnia temptavit ut eam servaret sed frustra. Societates totius orbis ad iura hominum defendenda (“ Human Rights Watch” et “Amnesty International”) operam dant ut supplicium extremum vitetur. Non praetermittendum est quin pars civium Persiae liberalium magis magisque poenae capitali obstet. Opus est viri occisi familiam interfectrici ignoscere: quod tamen adhuc non fit.

Breviter sumptum a Corriere.it 22/06/2014

Scripsit Lydia Ariminensis