Annus
2 0 1 4


De euthanasia adolescentibus apud Belgas licita

De euthanasia adolescentibus apud Belgas licita

Ambae aulae senatoriae Belgicae legem probaverunt, qua minores undeviginti annos nati euthanasiam eligere possent, id est voluntariam mortem postulare intolerabilibus et mortiferis morbis affecti. Quam legem postquam rex Philippus subscripserit, licebit adolescentibus gravissimis morbis affectis, nisi ulla vitae spem maneat, laboribus suis finem imponi petere, dum parentes assentiantur et peritus scientiae psychologicae aegrotantem examinaverit suique omnino compotem censuerit.

Et Christianae et Muslimae auctoritates deliberationem reiciunt, ne talis optio mos in nosocomiis solitus fiat. "Dum adolescentibus facultate et de vitae consuetudine cum propinquis eligenda et de pecunia utendo interdicimus, utrum supervivant an non ita ipsi constituent!" ait archiepiscopus Andreas Josephus Leonard.

Scripsit Herimannus Novocomensis



Retro ad:

Novissima editio
Summum paginae