07
d.07. m.Sept. a.2012, h.14:15
Scopocinema eroticum Hispanae politicae in interreti publicatum esse
"Nihil mali feci"
Hispani tumultuantur propter scopocinema eroticum mulieris politicae communalis. Oblivio* (Olvido) Hormigos laesa erat nomine scorti, paulo post munere se abdicavit. At nunc haec mater binorum liberorum subito sententiam mutat: Tot homines sibi assensisse, ut ipsa vellet munus suum recipere.
Ecce Olvido (i.e. Latinê: Oblivio) Hormigos: cinemate erotico fieri tumultum
Madrito ex urbe - Oblivio Hormigos est 41 (quadraginta unum) annos nata, uxor, mater binorum liberorum, talisque mulier est, qualis solet appellari attractiva. Ut est mulier politica communalis, scilicet assuefacta est ad vitam publicam, sed interim eadem mulier flavicoma accuratius innotuit quam voluerat: Paucis septimanis ante in interreti apparuit eiusdem scopocinema eroticum.
Oblivio, magistra scholae elementariae et membrum consilii communalis vici Los Yébenes, ipsa hoc cinema receperat photophono** suo, sed non nisi ad usum privatissimum. Usque hodie incertum est, quomodo idem cinema impositum sit interreti. Oblivio a diurnariis ephemeridis "El País" interrogata: "Photophonum" inquit "mihi surreptum est. Tamen intra duas horas omnes incolae huius vici noverant hoc scopocinema. Necnon homines in circumiectis habitantes."
Per septimanas in hôc vico 6500 (sex milium quingentorum) incolarum, qui situs est mediâ in Hispaniâ, prope urbem Toletum sermonibus ferê nihil aliud tractatur nisi hoc cinema; cives in Oblivionem, cum ad curiam iter faciebat, verbis contumeliosis invehebantur, qualia sunt "scortum" et "spurcatissima". Ubique in Hispaniâ haec res tam vehementer tractata est retificiis socialibus***, ut mulier politica magis magisque urgeretur. Oblivio dixit in fine se nimium suppressam a munere consilii communalis recessisse.
At nunc, biduo post, revocat abdicationem sui – praesertim cum post abdicationem a permultis comiter incitata sit, ne a munere desisteret. Itaque nunc diurnariis illius "El País" dicit: "Nil mali feci. Nemini damnum attuli, sed ipsa sum victima."
Necnon addit verba haec: "Nil spero nisi hanc rem quam celerrimê in oblivionem esse casuram."
Interim eadem socialistria putat se invenisse, e quo loco scopocinema eroticum sit divulgatum: ex quodam computatro in curiâ posito. Petrus Acevedo burgimagister conservativus de hac re nihil annuntiavit. Eius autem pars politica popularis verbis flagrantissimis negavit se hoc cinema divulgasse.
At re ab iurisconsultis investigatâ in suspicionem vênit quidam vir. Idem a diurnariis dicitur esse lusor pedifolliarius Oblivioni haud ignotus.
* http://www.todopapas.com/nombres/nombres-de-nina/olvido Academia Español Madrid Clases de español de alta calidad para principiantes y expertos. - Olvido tiene su correspondencia etimológica en el latín oblitus, "olvidarse, olvidar", que es una metáfora que se refiere a la escritura que se borra y se olvida. Su uso popular se debe a que es una de las Advocaciones de la Virgen María; Nuestra Señora del Olvido. De forma mística se refiere a la que olvida las penas y sufrimientos, también a la que olvida los pecados y sabe perdonar.
**photophonum, -i n. Fotohandy
**retificium sociale soziales Netzwerk
Hanc relationem d.07.m.Sept., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/ Titulus originalis est: „Sex-Video von spanischer Politikerin – ‚Ich habe nichts Schlechtes getan’"
Scripsit Nicolaus Gross
|
