Novo Eboraco ex urbe – Cum litigetur de programmate Iraniae atomico Im Streit um das iranische Atomprogramm Beniaminus Netanjahuus gubernationem Teheraniensem acriter monuit. Netanjahuus enim in oratione sua, quam habuit coram Organisatione Nationum Unitarum (UNO) congregatâ, „claram lineam rubram" postulavit, quam Iraniae non liceret transgredi.

Idem graviter monuit imminere Iraniam armis atomicis instructam. Netanjahuus praedixit Iraniam „aestate proximâ futurâ" tantum uranii ditificasset, ut construere posset bombam atomicam. Praeterea Netanjahuus affirmavit nullâ re pacem mundanam magis periclitari quam Iraniâ, si arma atomica accepisset.

Oportere, ut USA et Israhelia communiter studerent prohibere, ne Irania acciperet arma atomica. Netanjahuus coram membris UNOnis congregatae: "Mihi non solum est ius" inquit "hanc veritatem eloquendi – est meum officium eandem eloqui".

Ut verbis efferret, quam periculosum esset regimen Teheraniense, minister Israheliae primarius usus est ratione insolitâ: In oratione enim suâ sustulit diagramma, quod formâ erat bombae dissulturae, in quo indicati erant complures „gradûs periculositatis" Iraniani programmatis atomici. Ut adhiberet totius ductûs quasi mucronem dramaticum, Netanjahuus crasso stilo coactili in chartâ delineavit lineam rubram.

Num ultima ratio sit impetus militaris?

Ab Irania suspicio oritur sub praetextu programmatis atomici civilis studere armis nuclearibus fabricandis. Netanjahui gubernatio compluries minata est se impetum facturam esse praeventivam in Iranianas fabricas atomicas, ut prohiberet Teheranienses a bombâ construendâ. Neque Civitates Unitae excluserunt impetum militarem ut ultimam rationem, sed Baraccus Obama praeses Israheliam urget, ut agat moderatê.

Obama die Martis coram UNOne congregatâ declaraverat se non probaturum esse Iraniam armis nuclearibus instructam. Civitates Unitas „omnia facienda facturas esse", ut Teheranienses a bombâ atomicâ prohiberent. Praeses US-Americae dixit Irania si armis nuclearibus instrueretur, periculum fore, ut „Israhelia exstingueretur". Praeterea fore, ut civitates Sinuales (Gulf states) fierent insecurae et oeconomia mundana fieret instabilis.

Netanjahuus cum egerit praeproperê et sentiat sanctiones non sufficere ad programma Iraniae atomicum evitandum, quoddam dissensiones exortae sunt inter Israheliam et Civitatum Unitarum socios. Politici Vassintonienses iterum reprobaverunt, quod Netanjahuus praepositus gubernationis Israhelianae publice postulaverat, ut praescriberent „lineas rubras" ad Iraniam cohibendam.