Odyssea per quattuor menses in Mari Pacifico facta
d.16. m.Sept. a.2012, h.14:29
Odyssea per quattuor menses in Mari Pacifico facta
Virum naufragum servatum esse a pisce caniculâ
Ecce Ciribatia res publica insularis: Vir naufragus post 15 demum septimanas servatus
Ipsa canicula piscis rapacissimus in ingenti Mari Pacifico facta est vitae servatrix. Incola quidam Ciribatiae rei publicae insularis ex 15 (quindecim) iam septimanis naviculâ omnis machinamenti experti instructus per mare fluitabat, cum a pisce rapaci duo metra longo effectum est, ut vir servaretur.
Ciribatiâ ex re publicâ insulari – Post odysseam 15 septimanarum navicula omnis machinamenti experti instructus vir quidam e re publicâ Ciribatiâ oriundus rettulit se mirabiliter servatum esse. Toakai(us) Teitoi(us) die Saturni Majuro in capite Insularum Marshallianarum dixit se iacuisse in alvo naviculae tegumento lineo impositum, cum a pisce caniculâ excitatus animadverteret homines se ipsum servaturos.
A caniculâ duo ferê metra longâ naviculam appulsam esse, usque dum vir ipse surgeret. Ita factum esse, ut a piscatoribus inveniretur, qui modo telescopio observassent naviculam fluitantem.
Teitoius 41 (quadraginta unum) annos natus mense Maio exeunte unâ cum leviro suo e Tarawâ urbe principali profectus erat ad Maianam insulam suam patriam. Iter maritimum, quod fieri solet per duas tantum horas, facta est Odyssea horribilis, cum navicula in pausâ latius depelleretur quam ut benzino reliquo Maianam pertingeret.
Teitoius rettulit levirum suum mense Iulio ineunte mortuum esse dehydratione1. Uno tantum die post obitum viri 52 (quinquaginta duorum) annorum imbribus vehementibus cadentibus sese aquae copiam sufficientem accepisse. Aquâ bibendâ piscibusque comedendis se vitâ superavisse.
Die 11. (undecimo) m.Sept. denique se mirabiliter servatum esse naviculâ piscatoriâ ex Insulis Marshallianis adveniente – et pisce caniculâ, quae nave appulsâ evasisset. Piscator, qui Teitoium in naviculam suam recepit, rettulit virum naufragum primo rogavisse sigarellum2 ut sibi daretur.
Ecce piscis canicula
1 *dēhydrātiō, -ōnis f. angl. dehydration, theod. Dehydrierung
2 *sigarellum, -i n. angl. cigarette; theod. Zigarette
Hanc relationem d.16.m.Sept., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Titulus originalis est: „Viermonatige Odyssee im Pazifik – Schiffsbrüchiger von Hai gerettet".
Scripsit Nicolaus Gross
|
