Examen crabronum impetum fecisse in discipulos elementarios
d.18. m.Sept. a.2012, h.19:25
Excursio classis scholaris
Examen crabronum impetum fecisse in discipulos elementarios
Impetus factus est inter excursionem classis scholaris: In Megalopoli-Praepomeraniâ1 discipuli elementarii petiti sunt a crabronibus.
Ecce crabro. Noli irritare crabrones!
Hohenzieritz ex oppidulo – Classis discipulorum elementariorum impetu ad Laminam Lacuum Megalopolitanam2 petita aculeisque icta est. Numerus autem parvulorum violatorum variê indicatus est: Secundum Locum directorium Neobrandenburgensem (Rettungsleitstelle Neubrandenburg) 25 (viginti quinque) pueri puellaeque in nosocomium illati sunt, secundum circulum municipalem Laminam Lacuum Megalopolitanam (Landkreis Mecklenburgische Seenplatte) illati sunt 22 (viginti duo). Quomodo impetus factus sit, adhuc incertum est.
Ministri servationis (Rettungsdienst) compluribus curribus advecti sunt, necnon helicopterum est adhibitum. Interim plerique parvuli e nosocomio sunt dimissi.
1 Mecklenburg-Vorpommern
2 Mecklenburgische Seenplatte
Hanc relationem d.18.m.Sept., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Titulus originalis est: „Klassenausflug – Hornissenschwarm greift Grundschüler an".
Scripsit Nicolaus Gross
|
