Hispanis Europae poculum, Italia devicta

Manipulus Italicus, defatigatus et ineptus, certamen supremum Europaeum contra Hispanos 4-0 misere perdidit: obnubilatus Marius Balotelli, debilis medius campus, evanescens defensio victoriam facilem Hispanis concesserunt, quorum quattuor - Silva (quem in imagine feliciter pilam percutientem aspicis), Alba, Torres et Mata - rete animosi ianuae custodis Lodovici Buffon violaverunt. Grex Hibericus se cohaesum et laboris patientissimum se ostendit.

Hispani ultimum certamen Europaeum necnon mundanum vicerunt, ut fortissimus totius orbis manipulus pedifollicus.

Scripsit Herimannus Novocomensis