Ab Italis astyphylacibus comprehensum esse ducem Camorrae
d.06. m.Oct. a.2012, h.21:16
Mafia
Ab Italis astyphylacibus comprehensum esse ducem Camorrae
Qui dicitur duxisse quandam gentem Camorrae Neapolitanae: Nunc astyphylaces Itali comprehenderunt Maximum Di Caterino, qui putatur esse aliquem ex ducibus mafiae. Îdem se abdiderat in receptaculum loricatum1.
Maximus Di Caterino, qui habetur pro duce Camorrae mafiae Neapolitanae
Româ ex urbe – Itali astyphylaces apud eum invenerunt pistolium et 10.000 € (decem milia euronum) praesentia: Die Saturni comprehenderunt Maximum Di Caterino, qui habetur pro quodam duce mafiae. Ansa agentura nuntiorum refert magistratûs hunc virum quadragenarium prope Casertam oppidum Italiae australis investigatum invenisse.
Maximus Di Caterino fertur fuisse unus ex ultimis ducibus liberis gentis Casalesianae Camorrae Neapolitanae. Qui se abdiderat in receptaculum loricatum in vico Francolise. Îdem vir dicitur esse familiaris Michaelis Zagaria, qui ex longo iam tempore est dux gentis.
Medio demum mense Itali astyphylaces comprehenderant ducem infamis gregis sceleratorum, qui appellatur ‚Ndrangheta. Idem, qui est nomine Dominicus Aquino, post fugam biennem in domo suâ comprehensus est.
1 receptaculum loricatum theod. Bunker.
Hanc relationem d.06.m.Oct., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Titulus originalis est: „Mafia – Italienische Polizisten nehmen Camorra-Boss fest".
Scripsit Nicolaus Gross
|
