De cruore in Aegypto effuso

Portu Said, in oppido Aegypti semptemtrionalis, certamine pedifollico nuper confecto cruenta contentio inter fautores utriusque gregis lusorum Kalendis Februariis exorta est: LXXIV victimae computatae sunt quarum corpora exanimata in stadii apodyterio ex ordine disposita sunt. Astynomi ineptitudinis accusantur, qui saevis luctationibus finem imponere non potuerint.

Postridie fora Cairi, Aegyptiorum capitis, turba reclamante occupata sunt (unde imago adposita); vesperi Clysmate (Suez) custodes publici in turbam stationem astynomorum obsidentem et ingredi conantem sclopetaverunt itaque duos homines occiderunt.

Mubarak depulso, suffragiis confectis, pax non dum est in Aegyptiorum terra.

Scripsit Herimannus Novocomensis