Lapides speculares

Almeriae, in Hispaniae parte meridionali, Andrea Pérez fodinam invenit, unde saeculo I et II Romani lapides speculares extrahebant. Hi lapides, qui specularia quoque vocabantur, erant laminae subtilissimae gypsatae, quas lumen transibat, imagines vero vel formae nequibant. Itaque in aedibus nobilioribus ad fenestras apponebantur ut diurnum lumen saltem haberetur.

Andreas autem Pérez narravit, se puero, hanc caveam sibi notam esse seque nescire  per caveam aditum dari ad veterrimam fodinam Romanam, quam anno 2009 explorare incepit. His fodinis compertis plura invenientur nam in fodinis vestigia operarum indagatoribus patent. Haec mineralia per viam mareque Romam petebant, ibique villas, domos, templa, basilicas, ornabant; magni momenti est haec inventio ex qua multa de veteribus Romanis cognoscenda exspectantur.

Plura de hac re Hispanice  in pagina interretiali

<http://www.elalmeria.es/almeria/detail.php?id=930360#opi>

Scripsit Paulus Kangiser