HISPANIA MULTILINGUIS

In Hispania senatores verba poterunt facere non solum Hispanice sed etiam suis vernaculis linguis vel Catalaunice, Vasconice, Gallaice Valentineve; die Martis proximo praeterito hoc modo iam actum est; plerique Catalaunice locuti sunt.

Expensae non paucae sunt ad hanc rem conficiendam, nam opus esse conducere 25 translatores, quibus mercedes in summa circa 350 milia euronum annua dare oportebit. Factiones politicae de hac re valde disputant. Senatus est locus communis ad cives coadunandos, non verbis disiungendos. Tamen factiones nationalismo faventes etiam postulant in Camera Deputatorum linguis vernaculis uti oportere.

Fons: El Mercurio, 20 Ian. 2011, pag. A-5.

Scripsit Paulus Kangiser