Melius abundare...

Singulare certamen abhinc paucos dies in parva Tusciae urbe gestum est.

Liceat nobis, cum mundum variae calamitates afficiant (caedes, aes alienum, operis vacatio, inedia, siccitas, migrationes, odium in eos qui alia sentiunt …), de aliqua re narrare, quae risum excitare possit.

Ex certaminibus, quae aestate geruntur (nostra “ludicra”sententia) eminet

“MISS CICCIONA (italice)”, id est “CERTAMEN MULIEBRIS PINGUEDINIS”.

Estne aliquid simile in orbe? Minime quidem!

Quotannis in urbe Forcoli (in Tuscia sita) hoc singulare certamen geritur, magna cum iucunditate eorum qui adsunt.

In certamen descendunt mulieres (italicae praesertim) quae centum (!) chilogrammata excedant.

Pondus imperat victoriamque tribuit! Mulieres non solum pondere certant, sed etiam pulchritudine, iucunditate, risu, facultate se ad numerum movendi …libidinose prope perticam … etc.

Mulier praemio exornata (quae in subposita imagine aspicis): "Maximam palmam consecuta sum. - inquit - Pulchritudo mea CXLVII chilogrammatum est. Laeta vivo, corporis mei minime me piget."

Iuvat lectores delectare nonnullis imaginibus, quae in retibus inveniri possunt (YouTube Toscana News 24).

Scripsit Dominicus Caveosanus