Annus
2 0 1 1


UcraineTEXT

Summi iudices Ucrainiani vexillum communistarum interdicunt

Summi iudices Ucrainiani vexillum rubrum cum falce et malleo, signum communistarum, ostendi vetuerunt, quia constitutioni repugnaret. Ergo vexillum communistarum palam ostendere  non iam licet. quo iudicio lex mense Aprili perlata tollitur, ex qua licebat vexillum victoriae, quod dicitur, quotannis a.d. VII. Id. Maias ostendere, cum victoria de nazistis celebratur. Iudices censuere vexillum rubrum insignibus publicis Ucrainiae alienum esse.

«Istud iudicium omnes Ucrainianos offendit, quorum maiores pro terra nostra pugnaverunt», dixit Eugenius Zarkow, praeses Partium Communisticarum.

Sed nationalistae legem modo sublatam , qua vexillum rubrum veluti signum victoriae laudatum est, quam populus Sovieticus Bello Patrio Magno de nazistis adeptus esset, semper renuebant.

Scripsit Volfgangus Austriacus



Retro ad:

Novissima editio
Summum paginae