“Crisis cucumum” pulsat Hispaniam

HISPANIA veretur sequelas facti quod vocant “crisim cucumum”, magna ob damna ruris unde plurima pomma mundo mittuntur omni. tota in Europa timor fructus letalis crescit. decem Germaniae mortium, morbique sparsi culpa cucumi obiecta Hispano, aliae nationes parant pomma amovere foro, ne quid salus publica detrimenti capiat, sive bacillum E.coli sive alia fons malorum fuerit. id quod affligit amissis talentis agros multa solitos millia sanorum exportare cucumum.

Instant Hispani ut claudat Germania casum, recta ratione declaret negotium esse suum, damnaque compenset quae Hispani agri vulgato nuntio patiuntur. morbi letalis timore adductae, multae tabernae quibus venditur holus, pendunt titulum porta: “non vendimus pomma Hispana”. quae res non solum illis, verum omnibus gravis habetur, quando Hispaniae solo natum est plerumque holus toto exportatum in orbe.

Plures quam Sina, plures etiam quam USA exportat Iberia fructus. hac de causa senatus consultum fieri possit, quo poscatur a Germanis ut sarciant damna crisis cucumum. bacillum autem E.coli resolvit alvum, causat angustiam renum, tinguit sanguine faeces. nescius populus unde morbus proveniat iste mavult abstinere pommis suspectis. Sunt qui proponant occasionem infectionis fuisse dum cucumes ad portus ferrentur.

Tantus vero pavor est emptoribus illatus ut 58% Germanorum cessarit esse holus sive Hispaniae sive Hollandiae venit a terris. Neque cucumis solum sed alia quoque holera suspecta dicuntur: lycopersicum, lactuca... In summa, Hispani suos defendunt cucumes, emptores parcent, Germania Istriaque vetant.

Scripsit Carolus Bogotensis