De Christianis in Nigeria enectis

Anni fine appropinquante, praesidens Nigeriae Fortunatus Jonathan (qui in imagine adposita effingitur) populum allocutus est ex Madalla, insula Abuiae nationis capitis, ubi XXXV fideles catholici in templo sanctae Theresiae dicato noctu inter missam Nataliciam pyrobolis displosis interierunt: "Grex Muslimus Boko Haram similis est cancro, qui nationem totam occidere velit. Sed nos praevalebimus!"

Summatim undequinquaginta Christiani in Nigeria recentissimis diebus interfecti sunt.

Scripsit Herimannus Novocomensis