De bello civili Syriaco

A mense Decembri praeteriti anni seditio populi in Syria mota est simul ac reclamationes et tumultus in Africa Septentrionali inceperunt. Nulla dubitatio est quin iam bellum intestinum exortum sit inter milites praesidis Bashar Al Assad et rebelles quorum vires nominantur “Exercitus liber Syriacus”. A bello incepto MCCC rebelles civesque insontes saltem mortui sunt et CCC rei publicae milites.

Regimen praesidentis Bashar Al Assad insistit vi ipso die quo extrema condicio imposita a Foedere Arabico exitura est: post tres dies saevitias intermittendas fore atque inire in Syriam speculatores externos posse. Quod nisi ita sit, interclusio rerum commercialium Syriae imponetur. Legati Syriaci nuntiavierunt exploratores acceptum iri dummodo numerus minutus esset a D hominibus ad XL, exclusis defensoribus humanorum iurium et militibus. Praetera nationes Foederis Arabici postulant ut currus loricati ab oppidis auferantur et coercitio magna vi inhibita statim desinat.

Hesterno die XXII occisi sunt nec acta vehementia in compluribus oppidis cessant; etiam regio Idleb finitima territorio Turciae occupata est ubi communicationes telephonicae ac vis electrica intermissae sunt. Res Publica Turcicae petit ut Al Assad exulatum abeat cum in Turcia iam XIX milia profugorum adsint. Rex Iordaniae Abdullah ante aliquot dies primus petivit ut rector Syriacus potestatem deponeret.

Scripsit Lydia Ariminensis