De caede Afgana a Talibanis perpetrata

Karikare, in urbe Afganistaniae orientalis caedium more solito immuni, undeviginti saltem homines enecti sunt, plures sauciati: nam sex pyrobola, primum autocineto cetera aggressorum vestibus abdita, in aedificiis gubernatoriis displosa sunt. Sicarii ad conclave gubernatoris ipsius se appropinquaverunt, dum conventus habetur cui astynomorum et investigatorum praefecti et foederis mundani consiliatores intererant. Haec ex praetorio eodem rettulit regionis Parvanis gubernator Abdul Basir Salangi. Milites regulares sclopetationibus tam vehementer restiterunt, ut dimicatio in media urbe unam horam provecta sit.

Pleraeque victimae cives Afgani erant, qui se in regiminis aedificium se contulerant ut agnitionis documenta acciperent.

Scripsit Herimannus Novocomensis