Annus
2 0 1 1


De annona Somala

De annona Somala

Ordo Nationum Unitarum mox duas Somaliae regiones, id est Bakool et Shabele Inferiorem, in summa caritate esse proclamabit, numquam enim recentibus lustris tam gravis siccitas memoratur: incolarum inopia celerrime ingravescit, quamquam adiutorum turmae strenue commeatum et potum adferunt. Auxilia in nonnullas regiones vix advehi possunt propter impetus armatorum manipulorum gregis Islamici Al-Shabab. Centies centena milia Somalorum putantur esuritione laborare, quorum multi in finitimas civitates, Aethiopiam videlicet et Kenyam, effugere conantur.

Scripsit Herimannus Novocomensis



Retro ad:

Novissima editio
Summum paginae