De tumultu Syriaco

Hodie Costantinopoli CCCL Syriaci convenerunt, contra regimen Damascenum coniurantes; in magna aula vexillis patriis exornata primum omnes pro victimis oraverunt et canticum nationalem concecinerunt, deinde coepit "Conventus patriae salutis". Hoc est oppositorum consilium, ut ut tyrannis dictatoris Basaris al-Assad desinat et democratice res publica Syriaca regatur.

Alii Damasci eodem tempore similiter convenissent, nisi exercitus a praesidente missus cruente perturbationibus hesternis finem imposuissent. Cum decies centena milia in Damasci foris viisque reclamarent, milites multitudinem adgressi XXVII homines saltem interfecisse narrantur, plurimos vulnerasse; XIV in aliis oppidis enecti sunt.

Scripsit Herimannus Novocomensis