De fustibus radiantibus liquescentibus

Terror atomicus Japonicorum in oppidi Fukushima-Daiichi electrificina nucleari convergit, ubi aqua refrigeratoria adeo defluxit, ut fustes ex uranio partim emergerent: societas Tokyo Denryoku, quae vim electricam inde efferendam curat, nucleum fundi posse non denegavit. Dum temptant calefactionem aqua marina in fustes dispersa moderare, auctoritates Japonicae auxilium ex Civitatibus Americae Unitis postulaverunt. Omnes timent, ne tertia displosio nuclearis ibidem fiat.

Numerus victimarum ad hoc tempus sex milium mortuorum vel dispersorum putatur, multo plures tam incolae quam adiutores non dum comperiuntur aut dispersi nominantur.

Scripsit Herimannus Novocomensis