Annus
2 0 1 1


De Libya perturbata

De Libya perturbata

Rebellio furit in tota Libya, praesertim Hesperide (Benghazi) et Tripoli. Medicus quidam testificatus est se in Hesperidis nosocomio septuaginta saltem cadavera conspexisse, sed oppositores exules CXX summatim interiisse, mille vulneratos esse confirmant. Cum Hesperide, ubi contra praesidentem Gaddafi vehementissime reclamatum est, nonnulli milites cum oppositoribus se iunxerint, quid Tripoli factum sit ignoratur; ibi regiminis fautores in fora viasque missi sunt, ut perturbationibus opponerentur. Interea aditus ad interrete in tota Libya noctu interruptus est.

In tota Africa septemtrionali et in oriente medio populi non amplius toleraturi videntur dictatores, qui vi et paupertate imposita iam diu dominantur.

Scripsit Herimannus Novocomensis



Retro ad:

Novissima editio
Summum paginae