OCULIS BIBERE

E Britannia nuntiatur de novo more temetum (seu potiones alcoholicas) bibentium: in potatione enim pueri viscium (aut alia alcoholia fortia, ut aquavita e frumento facta) praeter in os fundunt in... oculos. Qua re citius, quam per stomachum, potatores ebrii fiant. Oculistae tamen monent hunc lusum periculo oculis (praesertim corneae oculi) esse posse. Nomen novi oblectamenti Anglorum 'eyeballing'.

Scripsit