De lingua Hispanica in Statibus Unitis

Scholares universitarii in Statibus Unitis plures in linguam Hispanicam discendam incumbunt quam in alias linguas exteras vel Arabicam, Sinensem, Coreanam; de hac re statisticae plus minusve hos numeros demonstrant:

Discunt:

Linguam Hispanicam milia 850 scholarum

Ling. Francogallicam milia 210 sch.

Ling. Germanicam milia 198 sch.

Ling. Iaponicam milia 74 sch.

Ling. Sinensem milia 61 sch.

His diebus, cum pecunia praesupposita in universitatibus restringitur, universitates fortasse praetereant eas linguas quibus minus scholares adsunt; id linguae Hispanicae minime accidet.

In Statibus Unitis fere 30 miliones Hispanice sciunt, quibus accedunt tres miliones semisque, quorum origines non sunt Hispanae neve Americanae Meridionales; inde patet Status Unitos in praecipuis nationibus Hispaniloquentibus numerari oportere.

Excerptum ab Andrea (Andrés) Oppenheimer, El Nuevo Herald

http://www.elnuevoherald.com/2010/12/19/856125/el-espanol-sigue-avanzando-en.html

Scripsit Paulus Kangiser