Annus
2 0 1 0


De inventorum privilegiisIn Europaea Conventione de Inventionibus (

De inventorum privilegiis

In Europaea Conventione de Inventionibus (ex litteris Anglicis breviatis EPC) triginta quattuor nationes intersunt, ex quibus duocecim proposuerunt processum administrativum ad inventiones registrandas unice litteris Anglicis vel Francogallicis vel Theodiscis fieri posse, Hispania et Italia adversantibus.

Commissio  autem Europaea etiam publice proposuit ut Unio Europaea systema commune haberet ad proprietatem industrialem sive inventorum privilegia protegenda; Hispania vero et Italia, cum aliquot annos adversarentur,  extra systema relinquerentur;  de hac re Trinitas (Trinidad) Jiménez, Rerum Exterarum Hispanica Ministra, affirmavit omnibus viis ac viribus se intenturam esse ut sermo Hispano quoque in linguis numeraretur, quibus processus de privilegiis registrandis fieri posset.

Non est obliviscendum in tota Unione Europaea locutores 47 ex centenis lingua Anglica uti sive patria sive acquisita (Volfgangus Jenniges in Melissa 102, ano 2001);  linguarum igitur varietas cultui civili valde favet, ad res tamen cottidianas multi unam linguam volunt, quae,  velis nolis, Anglica futura videtur; ex quo Britannis aliquatenus dabitur quaedam praestantia.

Fontes: La Segunda, 14 Dic. 2010

Etiam: http://www.euractiv.com/en/innovation/eu-looks-rome-madrid-patent-deal-news-498650

http://www.epo.org/about-us/epo/legal-foundations.html

Scripsit Paulus Kangiser



Retro ad:

Novissima editio
Summum paginae