KAFKIANA SCRIPTA ADHVC IGNOTA

HAS QVI NOLIT LEGERE LITTERAS, ROGO,

NEXVM SEQVATVR ET FONTEM IPSE LEGAT:

http://tinyurl.com/23743d2

SI QVID PROVERBIORVM PROBABILE EST,

DVOBVS IVDAEIS TRES OPINIONES SVNT.

NOTVS ILLE SCRIPTOR FRANCISCVS KAFKA

DEDIT AMICO QVAEDAM MANV SCRIPTA SVO

PICTAQVE DELETVRIS TRADENDA FLAMMIS

IN CAPSA NON SERVATVRO TRADENDA CVIQVAM.

HIC TRADIDIT SECRETARIAE FOLIA SVAE,

FILIABVS QVAE LEGAVIT DEFVNCTA DVABVS,

QVARVM LITEM DE POSSESSIONE GERENTIVM

VIDETVR VICTRICEM IN IVDICIO FORE NULLAM:

QVOD STATVS ISRAEL VINDICAT IVRA SIBI

CONSERVANDI PATRIMONII CVLTVRALIS,

IN QVO SINT REPONENDA OPERA KAFKAE

QVI FVERIT IVDAICA DE GENTE NATVS.

AT NEMO PRAETER AMICVM VIDIT VNQVAM

QVID INESSET ILLI RECONDITAE CAPSAE,

APVD ARGENTARIVM HVCVSQVE MANENTE,

QVAE SEMEL HODIERNO EST APERIENDA DIE.

Scripsit Carolus Bogotensis