Pretiosissima pictura mundi

106,4 milionibus dolariorum empta est in domo auctionaria Neoeboracensi Christie's pictura Pauli (Pablo) Picasso "Nuditas in tabula sculptoris". Quam pictor Hispanus pinxit anno 1932.

Tam magno pretio antea nullam picturam nullumve artificium emptum esse constat. Adhuc maximo pretio post memoriam gentium - 104,3 milionibus dolariorum - empta est, huius anni mense Februario, sculptura Alberti Giacometti "Homo ambulans". Secundum in hoc indice locum tenebat altera pictura Picassiana "Puer cum infumibulo", quae 104,1 milionibus dolariorum anno 2004 venum ivit. Pro "Nuditate..." domus Christie's sperabat se maxime 80 mln USD comparaturam.

Emptor pretiosissimae picturae mundi persona anonyma manet.

Scripsit Stanislaus iconoclastes.blog.onet.pl