Fodinariis Chiliensibus in dies festinat caeli suspiciendi spes

Triginta tres fodinarii qui iam plus quam duos menses sub terra manent, non mense Novembri sed circa Idus Octobres ad superficiem reverti possent.  Ex tribus machinis fossoriis quae ductus ad eos confodiunt, duae opinione celerius in scopum pervenient.  Haec affirmavit Andreas Sougarret, ingeniarius, qui operas ibi regit.

Ut autem possint emergere opus est ductus saepire et munire ne in levandis fodinariis ductorum fiat collapsus. Etiam praeparatur locus ubi televisione omnes possimus reversos in terrae faciem aspicere.

In photographemate supra praesidens Chiliae, Sebastianus Pinera Echenique, monstrat coram diurnarios epistulam a fodinarios scriptam. Bene nos 33 homines in refugio habemus - dicit epistula.

Fons: El Mercurio de Santiago, 21 sept.2010

Scripsit Paulus Kangiser