Annus
2 0 1 0


LEGISLATORES HELVETICI LEGE DECERNUNT:

LEGISLATORES HELVETICI LEGE DECERNUNT:

Pecuniam a dictatoribus cumulatam civitatibus restituendam

Dictatores de quibus hic agitur sunt  qui veteres tyrannos vocaverunt; ii nostra aetate pecuniam illegitime partam in nummariis Helveticis  saepe in posterum cumularunt; itaque ex hac lege die Lunae 13 mensis Septembris approbata, iussum est eorum pecuniam in arcis Helvetiorum fiscalibus esse custodiendam et postea restituendam civitati unde esset illegitime abstracta neque ullo modo dictatoris familiae praebitam.  Pro legis approbatione 114 deputati suffragarunt, 49 adversarunt. Quod primum est:  Haitiae dollarum 5,7 mlm quae dictator Duvalier (qui supra photographemate monstratur) iam pridem in nummariis Helveticis collocaverat erunt restituta; tamen, cautum quoque est mensarios qui in pecunia collocanda procuratoris munere functi sunt nulla poena puniendos.

Fons: Diarius La Segunda, Santiago de Chile, 13 sept. 2010

Scripsit Paulus Kangiser



Retro ad:

Novissima editio
Summum paginae