In urbe Matheola, in Lucania posita, quotannis singularis ritus celebratur.
Maximi momenti est ritus, qui quotannis a. d. VI Non. Jul. (anglice July 2 ) in urbe Matheola celebratur. Quotannis currus deletur, quotannis currus novus aedificatur ex ligno atque charta macerata, qua materia peritissimi artifices in urbe Matheola et in meridionali Italiae parte utuntur.
Papa Urbanus VI, qui Matheolae urbis episcopus fuerat, hunc ritum instituit anno MCCCLXXXIX. Matheolanus agricola quidam, curru vectus, puellae occurrisse narratur, quae ab eo petivit ut in urbem ferretur; cum ad urbis portas pervenissent, puella in statuam se mutavit ... Virgo erat, quae, ad agricolam conversa ei dixit: "Quotannis in urbem ingredi velim curru ornato vecta et honorifice"
Fama est Matheolae cives olim currum primos delevisse ne in Saracinorum potestatem veniret.
Virginis imago, XIII saeculo in Palaestina picta, et statua, XVIII saeculo ficta, in Templo primario servantur.
Ritus prima luce initium habet "Pastorum pompa". Missa celebrata in Templo primario, Virginis imago per urbis vias traducitur; temporum antiquorum ritum repraesentat, cum pastores Virginem venerabant, antequam rus ad animalia pascenda se conferrent.
Meridie novus ritus agitur: Virginis statua cum Parvulo a Templo primario equitibus mirifice hornatis comitantibus in extremam urbis partem ducitur, in novo curru aedificato ponitur.
Primo vespere currus sacer, immani moltitudine persequente, per vias magnifice collucentes transit, ad Templum primarium pervenit, ter plateam ante Tempum circumagit; quo perfecto, Virginis statua cum Parvulo in Templo servatur.
In urbis partem postea currus vehitur, ubi a fidelibus deletur, qui magnis viribus particulas abripere conantur, quas domos quasi victoriae tropaeum ferunt et felicitatis auspicium.
Musica, gaudium, ornamenta collucentia, mercatus, oblectationes, et postremo ... pyrotechnica spectacula: Matris Dei "Brunae" ritus finem habet; currus novus fingendus erit !
