Quanta turba athletarum! Novomexicana Jessica Kielpinski decidit in Utahiensem Kalee Whipple, cui rei testis alia Utahiensis, Rachel Messer, mimime collegam luget, sed de pila tantum a se captanda meditatur. Tam atrox erat certamen ambarum manuum mulierum die 12 Ianuarii in Urbe Lacus Salsi (Salt Lake City) habitum.

Elena Dementieva tenilusor Russia manu priori (forehand) respondet ad ictum Slovacae Danielae Hantuchovae tempore agonis Sydney International.

Alarum rubrarum Detroitensium petitor campi medii Darren Helm gaudet ob portam Regum Angelopolitanorum suo ictu violatam in agone alsulegiae glacialis. Alae rubrae vicerunt effectu 2-1.

Zhang Jiahao sequiturYe Wei in curriculo patinationis Pecchini habito, quo athletae candidati Sinensium ad Olympia Hiemalia in urbe Vancouver habenda eliguntur.

Argentinianus Marcos Patronelli gubernat quadrirotam Yamahianam per invia Andana Chiliae, tempore curriculi Argentina-Chile Dakar Rally 2010.

Unguibus et rostro (at frustra) conatur Paulus Collingwood Anglus pilam volantem cohibere, quam Graeme Smith Austroafricanus modo ministravit tertio die ludorum exercitativorum pilae criceticae inter manus ambarum terrarum Acroteriopoli (Cape Town) praeterita septimana habitorum.

Scripsit Milo Crotoniata