Sakina Mohammadi Aschtiani palam (sincere?) loquitur

Rete televisificum Iranicum Press-TV percontationem mulieris lapidatione damnatae divulgavit, ostendens eam se in ipsa sceleris domo iterum confitentem cum amanti viri sui mortem molitam esse: "Postquam potionem a me confectam sumpserat, ille animo defecit"; deinde se amicum telephonio vocavisse, qui restibus electricis collo et pedibus annexis fluxu electrico septies imposito virum interfecit. Nondum constat, utrum sua sponte an vi coacta Sakina tam immane scelus concesserit.

Toto ex orbe postulatur ut mulieris vita servetur non solum ob immanitatem condemnationis, sed etiam quod mulieris confession iam diu parum veri similis videtur.

Scripsit Herimannus Novocomensis