Discipuli Britannici contra Gubernationem violenter agunt

Gubernatio Britannica, ut nuntiaverat, expensas reducere intendit;  qua de causa universitatibus publicae opes minutae erunt, et discipuli pro inscriptione academica duplicem vel triplicem stipem dare debebunt; inde ortae sunt perturbationes violentae, in quibus discipulorum 9 milia ex custodum computu at 50 milia, ut discipuli numerant, interfuerunt;  qui etiam máxima vi in  factionis conservativae sedem expugnantes lagoenas et virgas eiecerunt necnon in ipsos custodes; factio conservativa (tories) ut scitur nunc tenet rempublicam (El Mercurio 11 nov. 2010).

Annis praeteritis altera Gubernatio subsidia publica universitatibus dedit, eo consilio ut voluntate et plausu discipulorum gauderet; at nunc parsimonia uti Gubernatio coacta est ne, expensis maximis in rebus plurimis, pecunia fisco praesupposita deficiat et oeconomia recedat.

Unam rem certam ex his rebus possumus colligere: verissimum est illud proverbium Sinense: Canis cui os non dedisti te non mordebit; sed, osse dato, postea si vis recuperare, te statim mordet.

Scripsit Paulus Kangiser