Principis Portu cholera diffunditur

Haitiae minister valetudini tuendae addictus dixit choleram Principis Portu, in parvae civitatis capite, diffundi coepisse: centum saltem incolae a medicis observantur. Ab initio contagionis in tota re publica centeni interierunt, octo milia in nosocomiis curantur: cum tamen plerique aegri in maximam urbem advecti sint, ibi morbi propagatio exspectatur.

Res peius se habent a vehementi procella "Thoma", quae praeter victimas labium et eluviei causa fuit, unde aquae pollutae suburbanos incolas venenant; nihilominus illis, qui in tabernaculis habitant post amissas ob terrae motum domus, aqua pura et latrinae et medicamenta praesto adsunt. Hoc maxime medicos sollicitat, tricies centena milia incolarum morbo si res in peius se vertant obnoxia esse.

Scripsit Herimannus Novocomensis