Comitia in Statibus Unitis

Deputatos, qui ad Constitutionem representatives  vernacule vocantur, 237 factio republicana elegit, 198 factio democrata, quae Praesidi Obamae in republica gubernanda favet.

Senatores vero, cuius tertia pars sexto quoque anno renovatur, 37 erant sub comitiis, qua de causa democratae maioritatem, quam ante habebant, retinuerunt;  tamen Camera Deputatorum ubi maioritas est republicanis, posset Praesidis Obamae legibus et propositis politicis adversari, adeo ut is cum republicanis debeat pacisci, de quo iam cum Iohanne (John) Boehner Praeses Obama allocutus esset; Boehner, ut putatur, Camerae praesidentiam suscipiet.

In Arizona autem Iohannes (John) MacCain, quem Obama candidatum praesidentialem superaverat, senator republicanus electus est; in huius electionis triumphatoribus numerandi quoque sunt candidati qui in Coetu Theae (Tea Party, cuius reclamatio in imagine conspicitur), quem nuncupant,  militant et conservativi dicuntur; hi enim Foederalem Gubernationem restrictiorem et vectigalium minorationem poscunt;  hic vero coetus factioni Republicanae addendus est; itaque in posterum Praeses Obama adverso flumine navigabit.

Fons: El Mercurio diei 3 Novembris, 2010

Scripsit Paulus Kangiser