Die Dominico 17 Octobris quidecim fodinarii ex triginta tribus,
 De singulari die festo in Chilia
Die Dominico 17 Octobris quidecim fodinarii ex triginta tribus, qui fuerant in
cuniculo inclusi, in eum locum reverterunt ubi improvisus
vicus a cognatis, familiaribus diurnariisque prope fodinam
extructus erat, sacra celebraturi; duo sunt officia acta et
missa catholica et cultus evangelicus; interim alii fodinarii
clamitabant quod fodinae “Sancti Iosephi”
proprietariis mercedes abhinc tribus mensibus debitae nondum
solutae essent; fodinarii enim praeter triginta tres iam
liberatos sunt fere trecenti qui in fodina laborabant et
nunc ab opera vacant; omne vero auxilium erga
triginta tres liberatos ex Statu tum etiam ex privatis
praebitum est, reliquis parum aut nihil; et quanvis
auctoritates gubernativae de his operariis iam sollicitantur,
tamen ipsi impatientia et inopia vincuntur; hi enim
clamitantes et in sacra officia paene obstantes a
cusdodibus publicis sine ulla contentione interclusi sunt;
inde altera calamitas oriri videtur: condicio eorum, qui in
superficie permanserunt.
Res televisifice in Chilia nuntiata.
Scripsit Paulus Kangiser
|
