Atrum fluxum USAe oris minari

Auctoritates Americanae omnes operarios ex tabulato petroleifero societatis "Britannici Petrolei" (BP) expulit haud longinquo a tabulato illo, quod septimana praeterita in Sinu Mexicano post displosionem undecim viris mortiferam demersum est: nam petroleum inde effusum paulatim appropinquatur. Frustra conantur adiutores liquoris diffusionem ex puteo intercludere, qui MD metris sub maris aequore est : tholus subaquaneus exstruetur, unde liquamen pollutum in cisternas fluitantes sugatur. Cotidie bis centena millia litrorum petrolei ex puteo profluere pergunt.

Litora Ludovicianae a calamitate octoginta circiter chiliometris distant, longius Mississippiae, Alabamae et Floridae: ibi insulae et umidae regiones sunt, ubi loca animalibus et plantis raris apta integra servantur. Putant studiosi pollutas undas post triduum Ludovicianae oras attacturas esse neglectis conatibus societatis "Britannici Petrolei", cuius periti ignorant quomodo ater fluxus moderari possit.

Scripsit Herimannus Novocomensis