De Graecorum severitate

Graecorum rectores constituerunt vectigalia increscere, descrescere impensas ut foris nummariis persuadeant de aere alieno suo immani a se dissolvendo. Hoc anno Graecia promisit aes alienum annuum suum ab octava parte ad undecimam divitiarum quotannis elatarum (*) deminutum iri. Virtutis additae tributum (**) ab undevicesimis centesimis ad unam et viginti centesimas auctum est, rei publicae operariorum et magistratuum mercedes deminuuntur: ita sperant rectores se fidem argentariae Europaeae recuperaturos esse. Hodie euronis pretium usque ad LXXIII centesimas dollariorum perventi. Mox minister primarius Georgius Papandreou cancellariam Theodiscam Angelam Merkel et praesidenteam Gallorum Nicolaum Sarkozy viset, ut patriae suae auxilia ex ditissimis nationibus comparet. Interea magnae in foris reclamationes multis in urbibus fiunt.

(*) divitiae quotannis elatae = gross domestic product (GDP)

(**) virtutis additae tributum = value added tax (VAT)

Scripsit Herimannus Novocomensis