Annus
2 0 0 7


15.

CRATER NVGARVM MENSIS IVLII

(ultimo die mensis datus, sed datus!)

PYGMACEIS LOCUS IN THEROTROPHEO PRAEBITUS

22 musici Pygmacei ad Festum Musicae Panafricanae (Fespam) in urbem Brazzaville invitati, collocati sunt in tabernaculo in horto zoologico huius urbis statuto. Cui rei cum defensores iurum hominis maxime reclmassent, in aedes scholae proximae iis migrage permissum est. Alii musici ad festum invitati eodem tempore sine ulla molestia in deversoriis luxuriosis urbis capitalis Congoae habitabant - nuntiat agentura diurnaria Reuteriana.

Cotidie Pygmacei illi ligna per hortum zoologicum iacentia colligebant, quibus ut fomite ignis deinde utebantur, ut aliquid ad edendum sibi pararent. Multi horti visitatores eos has res agentes, quaesi animalia quaedam monstruosa, photographati sunt.

Moderatores festi musici explanant se putasse illis melius in horto zoologico, ad naturam scilicet propius, vivere fore, cotidie enim in silvis borealis partis civitatis Congoanae habitant. Disclocatio Pygmaceorum in tabernaculo a ministerio rei silvariae omnino probata erat.

Quod iam quintus adventus ad Fespam Pygmaceorum erat, antea tamen in deversoriis, sicut alii invitati musici, habitaverunt.

Pomaranciarum sive malorum Sinensium monumentum demolitum est in veteri tribu Portus Istrianorum (Odessae), quod vulgo a civibus "monumentum corruptelae" nuncupatur - docemur ab agentura Interfax-Ucraina. Hoc monumento anno 2004 structo memorabatur donum a mercatoribus Odessiensibus imperatori Paulo I praebitum, donum scilicet nonnullorum curruum pomaranciarum plenorum - quibus pomis maxime monarcha delectabatur - ut pecuniam publicam ad portum modernum in urbe struendum daret. Quod nonnullis pomarancis sumptis statim fecit.

Deum in ius vocavit in vincula coniectus civis Dacoromanus 40 annorum Mircea Pavel, homicidii reus a iudicibus pronuntiatus. Ille crimen hoc se perfecisse minime infitiatus est, dixit tamen se a Deo proditum esse, nam tempore baptismatis Deum pactum cum eo inisse se eum semper tuiturum esse. Causam tamen Pavel perdidit, nam iudices invenerunt Deum personam legis non esse nec inscriptionem eius cursualem notam esse.

Ter canis hybrida terrieri cum pastore Australiano nomine Duncan M. McDonald electionibus localibus in comitatu King County civitatis Americanae Washington participavit, donec moderatores suffragiorum leges invenere potuerunt hanc rem prohibentes. Nam domina canis, 66 annorum Jane K. Balogh, hac re monstrare conabatur omnem creaturam hodierna lege licere in USA suffragiis inesse.

Maxima in mundo latrina quattuor tabulationum, spacie trium milium metrorum quadratorum, festiviter aperta est in urbe Chongqing Sinarum meridionalium - nuntiavit publica statio televisifica Serica CCTV. Plus mille hominum eodem tempore in hoc "templo laxationis" renes aut ventrem gratiis deonerare poterunt, musicam audientes necnon televisionem spectantes.

Multo minorem sed sine dubio cariorem latrinam ingeniarii Russi construxerunt. Forica eorum, pretio 19 milionum dollarium, ad usum astronautarum aptata est et transportanda mox ad Internationalem Stationem Cosmicam. Pecuniam societas Americana universo explorando NASA solvet. Machina haec magica urinam in ea depositam ita tractat, ut ex ea aqua purissima fit, quam astronautae deinde bibant. Utinam (non) sapiat!

Rogero Tullgren, viro Suetico 42 annorum, alimentum hebdomadale centum dollarium a magistratibus attributum est, nam miserulus ille se submissum esse queratur, sicut narcotico cuidam, musicae rockianae generis metalli duri, ita ne laborem ullum suscipere posset. Morbo hoc aegrotare coepit Tullgren anno 1971, cum primum phonodiscum gregis "Black Sabbath" audisset.

Scripsit



Retro ad:

Novissima editio
Summum paginae