INDIA
Mulctorem ab ergodotâ esse decapitatum
In Indiâ orientali vir quidam vaccas mulgere iussus non mulsit. Haec negligentia effectum habuit mortiferum: Ergodota huius viri caput gladio amputavit.
Ranchi ex urbe Indiae – Astynomi die Saturni rettulerunt vicinos territos observasse, quomodo Upendra Yadav die Veneris e domo suâ in Civitate foederali Jharkand tractus esset. Eundem operarium ab ergodotae patre et fratre retentum esse, priusquam gladio esset decollatus. In ergodotam nunc inquiritur inter sicarios.
Hanc relationem d.28.m.Apr.a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
|
|
