MARGARITA CORTONENSIS

In paupere familia nobilium Margarita nata est anno millesimo ducentesimo quadragesimo septimo (1247) prope Clusium (Chiusi) urbem Longobardoitaliae. Puella septem annorum orbata est matre. Adulescentula eminebat pulchritudine, quapropter multi iuuenes quaerebant eius fauorem, desiderantes eam uxorem ducere.

Ipsa uero Margarita, dum a nouerca male tractatur, statuit transire Montem-Pessulanum (Montepulciano), quo illam inuitauerat Arsenius, diues nobilis, ut secum maneret. Post decem annos huiusmodi concubinatus Arsenius improuiso inuentus est mortuus, cuius quidem cadauer Margarita casu inuenit effossum a cane. Videns eius corpus iuvene quidem, sed deturpatum ac putrescens, Margarita penitus concussa et exterrefacta statuit mutare uiuendi modum.

Cortonam se transtulit, in Tusciae urbem prope sitam, ubi coepit seruire aegris et senis in hospitio collectis. Mox autem in gressa est in Tertium seu saecularem Ordinem Franciscanum, in quo asperâ paenitentiâ assumptâ et studio orationis et contemplationis ita claruit, ut ad illam 'Magdalenam Franciscanam' - quemadmodum postea vocata est - confluerent peregrini non solum ex aliis regionibus Longobardoitaliae, sed etiam ex Francia et Gothohispania.

Mortua est anno millesimo ducentesimo nonagesimo septimo (1297). In sacris imaginibus de more ostenditur cum signis paenitentiae et catello.

Scripsit Fr. Benedictus Huculak OFM