![](../admin/rubricae/files/ngbestialehe340.jpg)
Haec mefitis (Mephitis spec.) Carrolltoniensis in Michiganiā civitate foederali Americanā versans videtur nimis cupida fuisse. Eadem enim capite inhaeserat hyalo liquaminis acetariorum. Denique astyphylax eandem liberavit ictu pistolii pneumatici.
![](../admin/rubricae/files/ngbestialehe341.jpg)
In Californiā Ursus americanus magnum haustum sumit e lagoenā colae.
![](../admin/rubricae/files/ngbestialehe343.jpg)
In Illinoisiae Americanae civitatis foederalis cauponā ministrationis propriae Canis latrans in aliquo pluteo frigorifico consźdit inter sucos fructuarios et aquam mineralem. Qui postea capitur a grege tutorum bestiarum.
![](../admin/rubricae/files/ngbestialehe344.jpg)
In Wesley Chapel urbe Floridanā crocodilus in parietem domūs nititur. Quamvis utatur arte subtili, denique ab hominibus capitur.
![](../admin/rubricae/files/ngbestialehe345.jpg)
Hic cervus albam sellam tentorialem - nolens - e collo suo gerit. Aliquantulo post huic bestiae contingit, ut sellam dividendo se liberet.
![](../admin/rubricae/files/ngbestialehe346.jpg)
In Californiā ursi libenter petunt hortos et natabula accolarum - velut hic ursus, quem recreat aquae frigus amabile.
![](../admin/rubricae/files/ngbestialehe347.jpg)
Mediā nocte hic leopardus delapsus est in lectum Arthuri Du Mosch, qui vivit in Israheliā australi. Eadem bestia petit cibum.
![](../admin/rubricae/files/ngbestialehe348.jpg)
Zalophi californiani in urbe Newport Beach ad lītus Californiae sita sunt molestissimi. Qui interdum naviculas demergunt aut homines e caudicīs eripiunt.
|