Venetiola et Iran in "die gloriae"
Venetiola et Irania
in quadam sunt "gloriae die"
Praeses Venetiolae intentius ridens, Hugo Chávez, eiusque Persicus par, Mahmoud Ahmedinejad, principem lapidem hoc Lunae die posuerunt uni de maximis in orbe terrarum officinis petrolei proferendi causa; quam officinam utraque civitas in aureo Persarum construet agro.
Tantum istud opus, cui copia nummorum fundetur ingens (US$700 milliones) intra quattuor sequentes est perficiendum annos. Irania et Venetiola hoc fecerunt pactum, uti alteram similem in Venetiola exstruant fabricam.
Chavez in Irania.
Inter inaugurandi operis caerimonias, Hugo Chávez solita oratione dixit: "Geminae duae civitates nostrae, coniunctae et concordes, meliorem quendam construent orbem; Persicus sinus et Caribeorum mare iungentur a nobis. Qui coniuncti stamus, et coniuncti volumus mundum pluribus creare polis".
Nova fabrica, industriosa in regione Asaluyeh sita, 1,5 millionibus doliorum proferendis, magnam efficaciam etanolis habebit annuam, sed etiam benzinum proferet, liquatum fumum, graviaque aromata et varios hydrocarburi modos.
"Ad arctanda fraterna vincula, quae inter duas res publicas eversorias Iraniae et Venetiolae exstant, haud pusillum fecimus gradum", affirmavit securus Persarum praeses.
"Ecce nobis tam sperata gloriae dies: iam sumus multa una constructuri bona, nostrisque nationibus magna daturi dona", addidit Ahmedinejad; caelumque suspicientem manusque sic ponentem, quasi supplex praecaretur, Hugum Chavez amplexus est.
Consuetudo naturalis
Ille quidem, biduae visitationis causa sabbatica feria Iraniam ingressus, dixit crebros iam contractus et negotia inter civitatem suam et Iraniam "demonstrare quam sint solida nationum vincula et necessitates suarum".
Inter visendos Persas, Chávez subscripsit ad minimum 20 foedera oeconomica et commercialia cum ipsis.
Secundum Iranianos nuntios IRNA, hae officinae meliorem additum ad mercatus Latinos Americanos praebebunt Persis, Indicosque Pakistanicosque Venetiolanis aperient portus.
Persarum summus dux, et pontifex Alí Jamenei, cui Chávez in colloquium convenit dominica die, affirmavit duarum cooperationem civitatum "tam esse naturalem, ut sane crecere debeat".
Chávez ad Iraniam peracta sabbati feria pervenit in statione circuitus quo modo Bielorossios sive Rossios attigerat albos.
http://news.bbc.co.uk/hi/spanish/latin_america
/newsid_6262000/6262346.stm - #
Scripsit Carolus Petreius Bogotensis
| 
